پشتو کے سب سے مقبول شاعر عبد الرحمان بابا

مصنف: عامر ظہیر (استاد ، مصنف ، بلاگر ، یوٹیوبر)

اگر چہ پشتو کے سب سے بڑے شاعر خوشحال خان خٹک ہے مگر مقبولیت میں عبدالرحمان بابا کا کوئی مقابلہ نہیں۔ عبدالرحمن جنہیں پختون محبت سے رحمان بابا کہتے ہیں، 1632 میں پشاور میں پیدا ہوئے تھے۔ آپ کے اشعار پختونوں کے درمیان ضرب المثل کا درجہ رکھتے ہیں۔ آپ کے شعر منبر پر بیٹھے مذہبی عالم، اسکول میں پڑھانے والے استاد، کھیت میں کام کرنے والے کاشتکار اور جلسہ میں تقریر کرنے والے سیاست دان یعنی ہر مکتبہ فکر سے تعلق رکھنے والوں کے لئے یکساں قبولیت رکھتے ہیں ۔

نامور مصنف میاں سید رسول رسا کے مطابق رحمان بابا کی شاعری میں آسمانی کتابوں جیسی گہرائی اور لذت موجود ہے کہ آپ ہر بار جب ان کو پڑھتے ہیں تو آپ پر نئے نئے انکشافات ہوتے رہتے ہیں۔ ادیب عبدالحی حبیبی لکھتے ہیں کہ آپ کی شاعری کی زبان سادہ اور آسان ہے جبکہ مضامین عموماً عشقیہ، اخلاقی، دینی اور اجتماعی ہیں جن میں تصوف کو مرکزی حیثیت حاصل ہے۔ پیر روشان پشتو کے پہلے صوفی شاعر اور آپ سب سے بڑے صوفی شاعر کا درجہ رکھتے ہیں۔

رحمان بابا کے بارے میں دیگر شعراء کے رائے

پشتو کے دیگر عظیم شعراء آپ کے بارے میں کیا رائے رکھتے ہیں، آئیے جانتے ہیں ۔

خوشحال خان کے بیٹے اشرف خان ہجری لکھتے ہیں:

د رحمان په وئيل  ځای د لقب  نشته
چې ئی ما شعر منظور کړو معتبر دی

عبد العظیم بابا کہتے ہیں

د  مومند  عبدالرحمن بابا  په  مثل
هسې خوږ زبان زما وی دریغه دریغه

بیدل آپ کے بارے میں کچھ اس طرح گویا ہے

چې مشهور ئی په پښتو ژبه ديوان دی
شعراو کې هغه عبدالرحمان دی

رحمان بابا کی اپنی شاعری کے بارے میں خود کی رائے

آپ اپنی شاعری کے بارے میں کئی اشعار میں ذکر کر چکے ہیں ، مثلاً کہ

هغه قند چي خدای زما په خله کښې کيښود
حلوايانو سره نشته هسې خوند

هسې زيب که په بياض د رحمان شعر
لکه زلفې د خوبانو په رخسار

که ئی شعر د رحمان مهمند تر غوږ شئ
غوږ به نه باسي په شعر د خوشال څوک

خوشالا او دولتا مې غلامان دي
زه رحمان په پښتو ژبه عالمګير يم

رحمان بابا کی اخلاقی شاعری

تقریبا تمام شعرا اپنی شاعری میں اچھے، برے یا ٹھیک اور غلط کے بارے میں کچھ نہ کچھ لکھ چکے ہیں، اسے اخلاقی شاعری کہتے ہیں مگر رحمان بابا نے جس انداز سے اخلاقیات کا ذکر کیا ہے ان کا مثال ڈھونڈنا مشکل ہے۔ ذیل میں آپ کی اخلاقی شاعری سے متعلق کچھ شعر نمونے کے طور پر پیش کیا جاتے ہیں

بې منته جام د زهرو څښلی ښه دی
نه هغه چې منت بار شي و کوثر ته

زهر ښه دي چې په صلح په صلاح شي
نه شکرې په فتنه او په غوغا
که ژوندون دی خو هم دا دی په جهان کې
چې له چا سره تيريږي په خندا

دهقان کر په لوړه زمکه باندې نه که
سرکوزي کوه چې بڼ دې مرغزار شي

دست په دست که د خپل کار درستول غواړې
لا پخوا نه ځان ړومبی د بل په کار شه

رحمان بابا کی عشقیہ شاعری

رحمان بابا کی عشقیہ شاعری کا آغاز عشق مجازی اور انجام عاشقی حقیقی پر ہوتا ہے۔ آپ اپنے عشق کی کیفیات کو بہت اچھے انداز سے اپنے قارئین کے سامنے پیش کرتے ہیں۔ جس میں سبق اور لذت دونوں موجود ہیں۔ آپ کے مطابق عشق دنیا کا سب سے بہترین مشغلہ اور کام ہے۔ ایک جگہ لکھتے ہیں

تر عشق غوره بل څه کار په دنيا نشته
تر همه کارونو غوره کار دی دا

زه عاشق يم سروکار مې دی د عشقه
نه خليل، نه داودزی يم نه مهمند

که چا لار د عاشقۍ وي ورکه کړې
زه رحمان د ګمراهانو رهنما يم

هسې ياد يې هميشه مدام زما
چې اوراد ئی په هر صبح شام زما
هر کلام چې بې دا ستا د کلام وکړم
سل توبې دي په هغه کلام زما

رحمان بابا کی صوفیانہ شاعری

رحمان بابا ایک سچے صوفی اور ولی اللہ تھے۔ آپ نے عشق حقیقی کے سمندر میں غوطے کھا کر ایسے ہیرے پائے کہ میاں عزیر گل صاحب کے مطابق جن باریکیوں کو امام غزالی حل نہ کرا سکے تھے، وہ آپ نے ایک شعر میں حل کرا دیے۔ آپ کی صوفیانہ زندگی سے متعلق تو یہ معلوم نہیں کہ آپ کس کے مرید تھے ، البتہ اتنا ہے کہ آپ سلسلہ چشتیہ سے تعلق رکھتے تھے ۔ آپ کی صوفیانہ شاعری سے چند اشعار پیش کئے جاتے ہیں.

دا حجاب چې نور عالم ئی حجاب بولي
دا زما او يار تر ميانه حجاب نه دی

زه پخپله په تا نه يم مئين شوی
ستا له لوري په ما شوې ده ندا

آپ عشق حقیقی میں اس مقام تک پہنچ چکے تھے کہ پھر آپ وصل اور ہجر میں فرق کرنے سے قاصر تھے ۔ جیسا کہ آپ ذکر کرتے ہیں

عشق په هسې رنګ مقام باندې قايم کړم
چې وصال دی که بيلتون دی نه پوهېږم

رحمان بابا ایک عالم کے طور پر

رحمان بابا صرف ایک فقیر صفت شاعر اور صوفی نہیں بلکہ ایک بہت بڑے عالم تھے۔ آپ قرآن، حدیث، فقہ اور منطق سے خوب واقفیت رکھتے تھے اور اپنی زبان پشتو کے ساتھ ساتھ عربی اور فارسی میں بھی مہارت رکھتے تھے ۔ آپ کی شاعری میں ان زبانوں کے کثیر الفاظ شامل ہیں۔ آپ کی شخصیت کی علمی پہلو کا اندازہ ان شعروں سے لگایا جا سکتا ہے

سخي هر يو د خدای دوست دی
ولو کان فاسقا
هر بخيل د خدای دښمن دی
ولو کان زاهدا

هسې رنګ په مذبذب صفت موصوف ئی
نه پوهېږمه چې ناس ئی که خناس
دا زما عاجز اميد دی که رب کاندي
په قيامت به مې شفيع شي خيرالناس

پشتونوں کے یہ عظیم شاعر اور ولی اللہ بندگان خدا کے لیے اپنی شاعری کی روپ میں ہدایت کا ایک خوبصورت گلدستہ چھوڑ کر 1706 میں اس فانی دنیا سے کوچ کر کے اپنے محبوب سے ملنے چلے گئے۔ خدا ہمیں ان اولیاء اللہ کے راستے پر چلنے کی توفیق عطا فرمائے۔

خوشحال خان خٹک کی اخلاقی، قومی، مذہبی، سیاسی اور عشقیہ شاعری

پشتو موسیقی کی مختصر تاریخ

پشتو شاعری کی تاریخ، حصہ اول: امیر کروڑ سے خوشحال خان خٹک تک